ORCULLO AT BIADO, BABANAT SA PACMAN 10-BALL SA GENSAN

TUTUMBOK na ang P3-M na sagupaang tinaguriang Sen. Emmanuel D. Pacquiao 40th Birthday10-Ball Tournament simula sa Disyembre 5 hanggang 16 sa Verenza Mall ng General Santos City.

Halagang P700,000ang naghihintay sa mangingibabaw sa bakbakan ng doubles at P400,000para sa papangalawa. Nang eengganyo naman ang P500,000 para sa aakyat sa trono ng singles event samantalang P200,000 sigurado ang ibubulsa ng magiging bridesmaid.

Tila naglipana ang halos lahat ng mga pinakamalulupit na manunumbok ng bansa sa torneo sa pagsali nina AZ Billiards Moneyboard no. 2 Dennis “Robocop” Orcullo,2017 World 9-Balltitlist at World Pool Billiards Association (WPA)no. 3 Carlo “Black Tiger” Biado, ang Cebuanong kampeon ng Virginia State8-Ball Tournament na si Warren “The Warrior”Kiamco, 2017 All Japan 10-Ball Billiards champion at WPA no. 9 Johann Chua, Jeffrey Ignacio,2017 World 14.1 Straight pool king Lee Van Corteza at ang alamat na si Efren“Bata” Reyes. Samantala, dalawang malalaking events sa larangan ng world billiards ang matutunghayan ngayong Disyembre. Sa China, uusad simula Disyembre 3 hanggang 9 ang Women’s World 9-Ball Championships sa Shenya, China. Ang mga mga kalalakihan naman, sa pamumuno ni Biado, ang aangkinng centerstage kapag sumargona sa Disyembre 10 ang Men’s World 9-Ball Championships sa Doha,Qatar.