Kahit naihahambing ito sa sipon, lodi! BENEFITS NA MAKUKUHA SA PAGKAIN NG OKRA, ALAMIN!

MARAMI sa atin ang ayaw ku­main ng okra dahil sa texture nito na maihahambing sa sipon, pero knows ba ninyong marami itong naibibigay na maganda sa ating kalusugan?

Kaya huwag na tayong mag-inarte, mga beshy! Narito ang ilang benefits na makukuha sa pagkain ng okra:

1. IT IMPROVES HEART HEALTH CONDITION. Ayon sa pag-aaral, nakapagpa­pababa raw ang okra sa pagkakaroon ng car­diovascular disease dahil sa taglay nitong pectin na nakare-reduce ng high blood cho­lesterol.

Kaya hindi dapat pinandidirihan ang pagkain nito, lalo na ngayong maraming pagkain na ang nauuso na hindi naman makabubuti para sa kalusugan natin.

2. IT KILLS BREAST CANCER CELLS. Ito ay dahil sa lectin na mayroon ang okra na nakapapatay ng breast cancer cells ng 63 porsiyento. Kaya para maagapan ang pagka­karoon ng malubhang sakit, ugaliing kumain ng gulay at prutas lalo na ng okra.

3. HELPS IN PREVENTING LIVER DISEASE. Ang liver ay isa sa mga impor­­tan­teng parte ng human organs at dahil sa Vitamin K na nagpo-produce ng protina, pinoprotek­tahan nito ang ating liver sa banta ng iba’t ibang klase ng sakit.

Dagdag pa rito, huwag masya­dong uminom ng alak nang sa gayun ay hindi napeperhu­wisyo ang organs natin sa katawan tulad ng atay.

Kung iinom ng alak, mainam na moderate lang at hindi magiging lasengga at lasenggo tulad ng iba.

4. HELPS IM­PROVE EYE­SIGHT. Hindi lang pala kalabasa ang nakapagpapalinaw ng mga mata dahil kahit ang okra ay kaya itong gawin.

Sa pag-aaral, natukla­san ng mga eksperto na ang Vita­min A at beta-carotene na mayroon ang okra ay essential nutrients upang maman­tina ang pag­kakaroon ng good eyesight.

Sa ngayon kasi, kahit ang mga bata ay na­kasalamin na rin sa gadgets na hindi nila ma­bitaw-bitawan na nakasisira sa kalusugan ng kanilang mga mata.

Kaya ang payo natin sa mga magulang, bukod sa pag-inom o pagkain ng mga masusus­tansiyang gulay nila bagets, balansehin din sila sa paggamit ng computer, smart phone at marami pang iba.

5. RICH SOURCE OF CALCIUM. Bu­kod sa gatas, ang okra rin ay mayaman sa cal­cium kaya para sa mga humihina na ang butu-buto riyan, alam n’yo na, ha? He-he-he! Huwag nating hayaang kahit bata pa tayo, eh, nakiki­pagsabayan tayo kina lola at lolo sa pagsakit ng kanilang mga kasu-kasuan.

Huwag lang pagandahin ang pisikal na hitsura kundi maging ang kalusugan ay panati­lihing maganda. Okay ba?

Oh, ayan, mga beshy, kumain na ng okra si­mula ngayon para sa mas better na panga­ngatawan. Copy?