Malinaw ayon sa palad... BABAENG NAKATAKDANG HIWALAYAN ANG KASINTAHAN

Maestro Honorio Ong

KATANUNGAN

1. May boyfriend ako ngayon, ang problema, nag­kakalabuan na kami. Nangyari ‘yun dahil bukod sa marami kaming hindi pinagkakasunduan, kahit min­san ay hindi rin sumangguni sa isip niya ang pag-a­­asawa o ang pagpaplano para magkaroon ng sariling pamilya.

2. Napaka-busy niya sa maraming bagay at masa­sabi kong hindi niya priority ang relasyon namin.

3. Nalilito tuloy ako kung dapat pa ba akong mag-stay sa ganitong relationship at kung may future ba ito o wala na, ano ang dapat kong gawin, Maestro? Sana ay mapayuhan ninyo ako.

4. Malungkot talaga ako ngayon sa nangyayari sa aming relasyon dahil dati ay hindi naman kami ganito.

5. Kung hindi siya ang para sa akin, may iba pa kayang darating na lalaki sa buhay ko?

KASAGUTAN

1. Malamang, na hindi nga kayo ang itinakda para sa isa’t isa ng kasalukuyan mong boyfriend dahil hindi niya priority ang inyong relasyon.

2. Posible ring hindi kayo ang magkatuluyan kung saan ito ang nais sa­bihin ng pumangit na unang Mar­riage Line (Drawing A. at B. 1-M arrow a.) sa kaliwa at kanan mong palad.

3. Tanda na, baga­ma’t, noong mga unang taon ay naging maka­bu­luhan at masaya ang in­yong relasyon, tunay ngang habang tumatagal ang pana­hon, nagbabago ang lahat kung saan ang dati ninyong mainit na relasyon ay unti-unti nang nanlalamig tulad ng kape na inilagay sa loob ng freezer.

4. In short, dapat mo nang hiwalayan ang boyfriend mo na busy sa maraming bagay, kaya ang relasyon ninyo ay napababayaan. Samantala, ayon sa Astrology, ang zodiac sign mong Libra at Capricorn naman ang boyfriend mo ay may magkaibang elemento, sa iyo ay air at sa kanya naman ay earth na ang ibig sabihin, kahit magkatuluyan pa kayo ay hindi rin magiging ma­saya at panghabambu­hay ang itatayo ninyong pa­milya.

MGA DAPAT GAWIN

1. Andrea, ayon sa iyong mga datos, huwag mo nang asahan na mu­ling magiging masaya ang inyong re­lasyon na ma­la­­pit nang matapos. Kum­­baga sa halaman, huwag mo nang asahang mabu­buhay pa ang bulaklak na unti-unti nang nabubulok ang mga dahon.

2. Sa halip, ang pinakamaganda mong magagawa nga­­yon ay paghandaan mo ang inyong paghihiwalay na maa­aring maganap anumang oras mula ngayon, upang kahit na maging malungkot ngayon ang Christmas mo, tiyak namang magiging masaya ang Christmas 2019 mo sa pagdating ng lalaking isinilang sa zodiac sign na Virgo na magiging ikala­wang boyfriend mo na siya na ring itinakda ng tadhana upang makasama mo sa pagbuo ng maligaya at panghabambuhay na pamilya (Drawing A. at B. 2-M arrow b.) at tulad ng na­sabi na, nakatakda rin itong maganap sa taong 2019, sa edad mong 27 pataas.