In fairness, 'di lang naman 1 week ang pag-ibig nila… SINGER-ACTRESS, TODO-KAYOD, TF SA MGA SHO
BLIND ITEM:
ALAM na alam ng buong showbiz world ang kuwento sa love life ng isang sikat na singer-actress na nauwi lang sa paghihiwalay.
Ilang taon ding tiniis ng singer-actress ang pagdurusa sa piling ng lalaking kanyang pinakasalan na akala niya ay perfect na prince charming. Nagkaroon sila ng isang anak, na sandali lang nag-artista.
Guwapo, matangkad, macho at mukhang yayamanin ang guy na pinakasalan ng singer-actress. Tipong “ladies’ man” ang lalaki, kaya akala ng mga kaibigan ng singer-actress ay suwerte siya na na-in love ito sa kanya.
Ang kanyang mister na rin ang tumatayong manager ng singer-actress na sobrang in demand noong nagpakasal sila. Ang mister ang tanggap nang tanggap ng mga shows para sa singer-actress.
Ang siste, lahat ng kinikita ng singer-actress ay nakadiretso agad sa kanyang mister after the show. Binibigyan lang siya ng allowance na para sa kanyang sarili. Minsan, pati allowance ay hindi na nasusunod ibigay, kahit na ang singer-actress ang halos namamaos na sa kakakanta sa mga shows.
Nauubos ang kinikita ng singer-actress dahil nagka-casino pala ang kanyang mister.
Nang matauhan ang singer-actress, dumiskarte na rin siya. Hindi na sinasabi sa mister ang totoo niyang talent fee na natatanggap sa mga shows. Binabawasan na muna niya ito bago ientraga sa mister. Hindi nagtagal, humiwalay na si singer-actress.
Comments