Malinaw ayon sa palad... LALAKING NAKATAKDANG YUMAMAN KUNG GAGAMITIN ANG LIBANGAN SA PAGNENEGOSYO

Maestro Honorio Ong

KATANUNGAN

1. Binata pa lang ako ay pangarap ko nang yu­maman, pero nakapag-asawa na agad ako, naka­pagtrabaho, nagkaanak, nagkaapo at ngayon ay retired na ako at nag-aalaga na lang ng mga hayop at halaman sa maliit na lupang nabili ko sa bukid, pero hang­gang ngayon ay hindi pa rin ako yumayaman.

2. Naisipan kong su­mangguni sa inyo, Maes­tro, upang itanong kung may pag-asa pa kaya akong yumaman at sa paanong paraan kaya at kailan?

KASAGUTAN

1. Upang yumaman ka, Carding, ang pinakamaganda mong dapat gawin ay mag­negosyo ka o sa ibang salita, imbes na mag-alaga ka ng mga hayop at halaman sa bukid na nagsisilbing liba­ngan mo lang, puwede mo namang gawing pormal at tunay na negosyo ang iyong libangan. Ito ang nais sabihin ng malinaw at makapal na Business Line (Drawing A. at B. N-N arrow a.) sa kaliwa at kanan mong palad.

2. Kung saan imbes na r‘yan ka lang sa bukid nag­pipirmi, ang isa pang mas ma­ganda ay kung maghaha­nap ka ng puwesto sa pa­lengke o kaya ay sa pobla­cion kung saan makae-es­tablish ka ng maraming mar­ket at connection upang doon magbukas ka ng tin­dahan na may kaugnayan sa mga agricultural product, kasabay nito pagbutihin mo ang paghahayupan at pagha­halaman mo sa bukid, ma­aaring kumuha ka ng taga­bantay at tagapangalaga ng mga hayop at halaman mo habang ikaw ay magsisilbing pinaka-manager ng inyong farm.

3. Sa ganyang paraan, mapalalaki mo ang iyong negosyo at mas madali kang uunlad at yayaman. Kung ayaw mo naman ng tindahan na may kaugnayan sa agri­cultural products, puwede rin namang dagdagan o pa­ramihin mo ang mga alaga mong hayop at mga halaman tulad ng maraming kambing at baka o kaya ay pilitin mong maging supplier ng mga gulay at iba pang agri­cultural products sa inyong palengke. Ganu’n ang gawin mo upang yumaman, kailangang may negosyo at may kalakal kang ibinebenta.

4. Sa ganyang paraan na nagnenegosyo ka tulad ng nasabi na, ang malinaw at makapal na Guhit ng Ne­gosyo (Drawing A. at B. N-N arrow a.) sa kaliwa at ka­nan mong palad ay matutu­pad at ito ay nagsasabing sa malakihang pangangalakal, mas mabilis kang uunlad hanggang sa tuluy-tuloy ka nang yumaman.

DAPAT GAWIN

Habang, ayon sa iyong mga datos, Carding, sa par­tikular na straight Head Line (Drawing A. at B. H-H arrow b.) sa kaliwa at kanan mong palad at ang malinaw na Business Line (N-N ar­row a.) ay nagsasabing ka­pag si­nunod mo ang mga sim­pleng rekomendasyong ti­nuran na sa itaas, hindi pa huli ang lahat para magne­gosyo, kapag nagawa mo ‘yan, walang duda, sa taong 2023, sa edad mong 65 pa­taas, hindi pa gaanong katan­daan dahil batak ang kata­wan mo sa kabukiran, hindi mo na rin mapapansing unti-unti na palang lumalago ang iyong kabuhayan hang­gang sa yumaman ka na at mag­karoon ng maunlad na buhay.