Malinaw ayon sa palad... BEBOT NA NAKATAKDANG MAKATULUYAN ANG KASALUKUYANG BOYFRIEND

Maestro Honorio Ong

KATANUNGAN

1. Maestro, nagbabalak na kaming magpakasal ng boyfriend ko sa susunod na taong 2019, kaya itatanong ko kung anong buwan magandang magpa­kasal at kung halimbawang nakasal na kami, ma­giging maunlad, maligaya at panghabambuhay na kaya ang papasukin naming pagpapamilya?

2. Isinilang ako noong August 29, 1993 habang ang boyfriend ko naman ay isinilang noong May 16, 1990.

KASAGUTAN

1. Kapansin-pansing maayos at maganda ang pag­kakaguhit ng kaisa-isang makapal na Marriage Line (Drawing A. at B. 1-M arrow a.) sa kaliwa at kanan mong palad.

2. Tanda na kung matagal na kayong magkarelasyon ng boyfriend mo at nagmamahalan naman kayo nang tapat at totoo, puwedeng-puwede na kayong magpa­kasal sa susunod na taong 2019 sapagkat ang mali­ga­yang pag-aasawa na binabanggit ng kaisa-isa at makapal na Marriage Line (arrow a.) ay madali namang kinumpirma ng walang bilog, hindi nalatid at naka­tuntong sa Bundok ng Jupiter na tinatawag din nating Bundok ng Kaligayahan (arrow b.) na Heart Line (Dra­wing A. at B. h-h arrow c.) sa kaliwa at kanan mong palad. Tanda na ang papasukin mong bu­hay-pag-aasawa ay si­guradong magi­ging ma­ligaya, matagum­pay at panghabambuhay na.

MGA DAPAT GAWIN

1. Ang zodiac sign mong Virgo at Taurus naman ang boyfriend mo ay nagsasabing mapalad at su­wetung-suweto kayong magsama at magpakasal sa susunod na taong 2019 kung saan mas mainam kung sa buwan ng Mayo o kaya ay Oktubre ninyo ito gawin sa mga petsang 1, 10, 19 o kaya ay 28.

2. Mas mainam din kung gagawin ang inyong ka­sal sa panahong bilog at malaki ang buwan sa kalangitan o full moon upang tulad ng liwanag ng buwan, magiging papabulas at papaunlad ang inyong pamilya habang patuloy kayong nagsasama at nagmamahalan.