VERA AT FOLAYANG, NAGHARI SA ONE CONQUEST OF CHAMPS

MULING pinatunayan ng bigating Fil-Am superstar Brandon “The Truth” Vera ang lakas ng pagdepensa niya sa ONE Heavyweight World Championship belt niya kontra sa astig din na si Italian challenger Mauro “The Hammer” Cerilli sa dumaragundong na world-class martial arts action na ONE:Conquest of Champions sa MOA Arena, kamakalawa ng gabi.

Hindi rin nagpahuli sa bakbakan sa co-main event si Eduard Folayang nang tigpasin si Amir Khan ng Singapore sa bisa ng unanimous decision para sa bakanteng lightweight world championship.

Isang kaliwang upak sa panga ang ginawa ni Vera upang mapagihay ang Italian at doon na inihinto ni referee Olivier Coste ang banatan. “Manila, all my countrymen, I’ve missed you all. Two years was a long time. I’m sorry I’ve been away for so long, but it looks like I can still do it. I’ve been watching Mauro’s tapes every night. Even as I sleep, I watch him train. I watch him fight. I watch everything he does. I know he swings hard. He did punch me in the mouth and it hurt, and then when he fell down, I was pretty surprised. So I’m glad I got that left hook in and dropped him with it. In the world of martial arts, the Philippines owns five world titles. We can do this. Continue your support. Let’s get all the belts!” natutuwang pahayag ni Vera.

Isang nakatutulig na 5-round unanimous decision victory ang itinala ni Team Lakay veteran Folayang nang parusahan ang mas batang kasagupa sa sunud-sunod na upak, spinning heel kicks at sikuhan. Rumeresbak si Khan pero hindi niya masalag ang good timing ng Pinoy na impresibo sa judges.

Sa iba pang laban, nanaig si dating ONE Featherweight World Champion Honorio “The Rock” Banario ng Team Lakay kay challenger Rahul “The Kerala Krusher” Raju ng Singapore sa bisa ng rear naked choke sa UD.

Binalian ni Thai Saemapeth sa UD sa bantamweights si Alaverdi Ramazanov ng Russia. Solido naman ang porma ni James Nakashima ng U.S. sa debut bout niya vs. Russia’s Raimond Magomedaliev. Wagi rin sa UD si Japanese kickboxing ace Hiroaki Suzuki kontra Lithuania’s Deividas Danyla. Nakaunang panalo rin si French Muay Thai star Samy “AK-47” Sana sa bisa ng UD kontra Armen Petrosyan ng Italy.

Balik panalo rin sa bakbakan si Alexandre “Bebezao” Machado ng Brazil vs Japan’s Hideki “Shrek” Sekine. TKO victory rin kay Han Zi Hao kontra Malaysian debutant Azwan Che Wil. Wagi rin si Pinoy Jeremy “The Jaguar” Miado vs. China’s Peng Xue Wen.