Laptop, camera, etc. nawala, dating empleyado raw ang suspek… BAHAY NI JIMMY BONDOC, PINASOK NG MAGN

Ador Saluta / ADORE ME!

HINDI nakaligtas sa panloloob sa kanyang bahay ang singer at Philippine Amusement and Gaming Corporation (Pagcor) official na si Jimmy Bondoc na nanini­rahan sa Barangay Pinagbuhatan, Quezon City.

Nitong Nov. 20 nang mada­ling-araw, nilooban ng mga mag­nanakaw ang kanyang bahay.

Kinumpirma ito ng Quezon City Police District sa In­qui­rer.net at sinabing nanakaw ang ilan sa mga kagamitan ng singer katulad ng laptop at camera ng kanyang ama.

Kinilala ang isa sa mga nagnakaw at dati raw itong empleyado ng singer.

Humingi naman ng tulong si Jimmy sa Face­book upang makilala pa ang ilang lalaking nahagip sa closed circuit television (CCTV) cameras.

“Sorry po, aabalahin ko kayo. Nanakawan po kami. Sa mga kalapit-bahay namin, baka matulungan niyo kami ma-identify ang taong ito,” aniya.

“Please help us identify the person… Ang dami pong nawala sa amin,” dagdag pa niya.