Para sa mga conscious sa kalusugan diyan, read n‘yo ‘to, dali! INODORO NA NAKADE-DETECT NG SAKIT, PA

Jersey Sanchez / Gulat ka 'noh?!

KADALASAN tayong na­kaupo sa inodoro para umihi o dumumi pero, knows ba ninyo na may na­imbento ng toilet bowl na kayang ma­ka-detect kung may sakit tayo sa pamamagitan ng ihi o dumi?

Wow!

Mayroong artificial intelligence o AI ang toilet bowl na kayang sumuri ng dumi at ihi bago ito tuluyang mag-flush.

Ayon sa mga eks­perto, ang ihi ang kadalasang ginagamit sa pagkuha ng samples upang ma-diagnosed ang mga sakit na crohn’s di­sease, ulcerative co­litis, dia­betes, sexually trans­mitted in­fections at stomach infec­tions.

Gumagamit umano ng teknolohiya ang toilet base sa human brain kung saan naka-program ito upang maka-re­cognize ng pattern para maka­alala at magkaroon ng kakayahang ma­tuto.

Maaari ring ma-detect ng toilet bowl kung depressed, buntis, smoker o gu­ma­­gamit ng droga ang gagamit nito sa pama­magitan ng pag-aanalisa sa kani­lang ihi.

Ayon sa mga developer, sa paggamit ng toilet bowl na ito, maaaring maiwasan ang inconvenience sa pagpunta sa mga clinic o laboratory para magsagawa ng simpleng urine tests.

Dagdag pa rito, kung made-detect ng toilet bowl ang isang sakit, maaari itong maagapan dahil puwede mo nang magawa ang mga simpleng test sa iyong bahay, ga­yundin, maaaring ipadala sa iyong doktor ang resulta ng urine test kung sakaling gusto mong malaman ang opinyon nila.

Bagama’t, kayang ma-detect ng na­sabing inodoro ang ilang sakit, payo pa rin ng mga eksperto na kung hindi normal ang iyong nararamdaman, ma­buting du­miretso na kayo sa doktor upang makasi­gurado.

Kaya sa mga beshy natin diyang tina­tamad pumunta sa mga clinic para magpa-check-up, ito na ang solusyon ninyo, pero tandaan, be healthy always!

Copy?