Malinaw ayon sa palad... SINGLE MOM NA NAKATAKDANG MAGKAROON NG MASAYANG PAMILYA SA PILING NG LALAKI

Maestro Honorio Ong

Dear Maestro,

Hiwalay na ako sa asawa ko, magdadala­wang taon na. Gusto kong malaman kung mag­kakabalikan pa ba kami? July 16, 1985 ang birthday ko at December 12, 1979 naman ang mister ko.

Sa ngayon ay may nan­liligaw sa akin at sa totoo lang, balak ko na si­yang sagutin.

Kaya lang, gusto ng mis­ter ko na magkabali­kan kami, pero ayaw ko na sa kanya, ga­yundin ang mga anak na­min dahil nana­nakit at nam­bubugbog siya kapag na­­la­lasing.

‘Yung manliligaw ko naman ay biyudo na isi­ni­lang noong March 7, 1976 at botong-boto sa kanya ang mga anak at magu­lang ko dahil ma­bait siya sa akin at sa mga bata.

Tanong ko lang kung kami na ba ang magsa­sa­ma, habambuhay kung sa­kaling hindi na kami mag­kakabalikan ng mister ko?

Gusto ko nang mag­karoon ng tahimik at ma­­sayang pamilya, kaya sana ay ma­tulungan ninyo ako.

Umaasa,

Amie ng Bantog, Asingan, Pangasinan

Dear Amie,

Ayon sa Astro-Nume­ro­logy na pag-aanalisa, higit mong ka-compatible ang ka­salukuyan mong manliligaw na isinilang noong March 7, 1976 na may zodiac sign na Pisces kaysa sa asawa mo na may zodiac sign na Sa­gitta­rius sapagkat suwetung-su­we­to ang pagsasama ng Pis­ces at Cancer na tulad mo.

Nangyari ito dahil ang Cancer at Pisces ay may iisang elementong tina­tag­lay — ang elementong tubig, kaya magkatugma sila.

Kaya kung boto ang iyong mga anak sa kasalu­kuyan mong manliligaw at nagkataong mahal mo na siya at compatible kayo sa Astro-Numerology da­hil ang birth date mong 16 o 7 (ang 16 ay 1+6=7) at nagka­taong 7 din ang birth date ng manliligaw mong biyudo, tamang-tama lang kung pi­piliin mo siyang samahan upang kahit papaano, ‘ika nga, may karapatan kang ma­karanas ng tahimik, ma­ayos at maligayang pag­pa­pa­milya, habambuhay at ayon sa Love Calendar, nakatak­dang mangyari ito sa susu­nod na taong 2019, sa edad mong 34 pataas.