Ayaw kagatin ng madlang pipol… RELASYONG ARJO-MAINE, PANG-PROMO LANG SA MOVIE
PINAGTAASAN ng kilay ng ilang netizens ang mga lumulutang na balita tungkol sa diumano’y magandang relasyon na nabubuo ngayon kina Maine Mendoza at Arjo Atayde.
Kahit na madalas na silang nakikitang magkasama at nagde-date kuno, eh, hindi naman daw ‘yun sapat na basehan para masabi na may “something” na sa dalawa.
Pang-promo at isang malaking drama lang daw ang Maine-Arjo romance dahil magkasama sila sa MMFF movie na Jack Em Poy: PulisCredibles. Kailangan na may ingay ang ArMaine o ArDub tandem.
But for sure, magpoprotesta at hindi papayag ang AlDub fans na tuluyang maagaw ni Arjo si Maine kay Alden Richards. At hindi rin sila basta naniniwala na seryoso si Arjo sa Dubsmash Queen, dahil sa pagkakaalam nila ay may GF ang anak ni Sylvia Sanchez at hindi totoong break na.
Marami nang aktor ang na-link kay Maine dahil wala nga silang inaamin na relasyon ni Alden Richards. Pero, mas makabubuti ang ganito para hindi sila parehong nakatali ni Alden sa kanilang love team.
Comments