Para sa mga palaging nakahilata riyan, read n’yo ‘to, dali! PAGIGING TAMAD, GOOD SA HEALTH!
WALA namang taong hindi tinatamad kahit minsan, pero ang katamarang ito ay hindi kinagigiliwan ng sinuman. Pero, knows ba ninyo na ang katamaran ay maraming benepisyong naibibigay sa ating kalusugan?
Weh, ‘di nga?
Ayon sa mga dalubhasa, ang pagiging tamad umano ay sadyang nakaugalian na ng karamihan. Ito ay bunga ng pagod at pagkasawa sa iba’t ibang bagay na ating ginagawa sa araw-araw.
Gayunman, ang katamaran ay nakarerelaks ng katawan dahil hindi masyadong gumagana ang muscle at utak natin dahil nga sa tinatamad tayo o hindi tayo nagpapakita ng interes sa mga tao o bagay.
Dagdag pa rito, ayon sa mga eksperto, sa pagiging tamad ay mas nagiging productive tayo, dahil kapag tinatamad tayo, ang mga libangan natin ay hindi na rin natin nagagawa.
Samantala, kapag tamad ka, hindi ka masyadong mai-stress sa buhay, kumbaga, hayahay ka lang at walang iniisip o pinoproblema. Mainam ito dahil ang stress ay maraming masamang epektong naibibigay sa ating kalusugan na maaaring makaapekto sa ating buhay.
Bukod pa rito, ang katamaran ay nakabu-boost ng self-esteem sa paraang confident tayo sa kung ano ang ginagawa natin at hindi tayo nape-pressure sa sinasabi ng iba, gayundin, nakakikinis ito ng balat at nakatataas ng emotional intelligence dahil mas nagkakaroon tayo ng time upang mapangalagaan ang ating sarili lalo na kung madalas ay pa-chill-chill lang tayo.
Pero, ang payo ng mga dalubhasa, kahit na maraming naidudulot na maganda ang katamaran, ilagay pa rin natin ito sa lugar dahil may mga pagkakataong kailangan natin ng kasipagan lalo na kung tungkol sa pag-aaral at pagtatrabaho para sa kinabukasan.
Kaya naman, oks lang maging tamad paminsan-minsan, pero huwag mo naman itong isabuhay hanggang sa tumanda ka, beshy!
Copy?
Comments