BUHAWI NG TORNADOES LUMAKAS VS. ASSET

BUMAGAL pa ang Foton Tornadoes sa second set, pero naka-recover hang­gang sa humantong sa 25-23, 26-28, 25-21, 25-19 victory laban sa Cocolife Asset Managers sa Philippine Superliga All-Filipino Conference kahapon sa FilOil Flying V Centre.

Ipinakita ni veteran Mina Aganon ang lakas nang bitbitin ang Tornadoes tungo sa winning track sa pres­tihiyosong women’s club tourney.

Rumehistro si Aga­non ng 18 kills, 22 digs at wa­­long excellent receptions nang isolido ng Foton ang pagha­wak sa solo second spot sa bisa ng 5-1 win-loss card.

Nanatili ang Petron Blaze Spikers sa tuktok ng standings sa 5-0 slate na kaya pang palawigin ang gap depende sa resulta ng match ng nag­hahabol na Sta. Lucia habang isinusulat ito kaha­pon.

Sinabi ni Foton coach Aa­­ron Valdez na ang pag­katalo sa F2 Logistics ang nagpalakas sa kanila para magsikap at ibalik ang tikas sa laro. “I think our loss to F2 Logistics made us better as a team,” ani Velez na umasa sa tulong ni Rommel Abella noong off-season. “Despite the loss, the team still radiated positive energy and I did not look at it (loss) as a setback.”

Idinagdag niya na wake-up call ito na nagbigay sa ka­nila ng tsansa na makita ang kanilang kahinaan, lalo na ngayong wala sina Jaja San­tiago at kapatid na si Dindin Manabat dahil naglalaro ang mga ito sa V. Premier League sa Japan. (MC / VA)