Pumalag sa PNP, DILG at PAO… VICE, TO THE RESCUE SA SERYE NI COCO

Anj Cabilla / PAK ANG GANAP!

IPINAGTANGGOL naman ng Unkabo­gable Star na si Vice Ganda ang bestie niyang si Coco Martin at ang programa nitong Ang Probinsyano na pinupun­tirya ng reklamo ng Philippine National Police (PNP), Department of the Interior and Local Government (DILG) at Public Attorney’s Office (PAO).

Sinabi ni Vice na hindi na siya magta­ta­ka na may ganitong isyu ang serye ni Coco Martin.

Nilinaw din nito na hindi si Coco ang puntirya ng mga nagrereklamo kundi ang tele­serye nitong Ang Probinsyano dahil sa sobrang lakas ng hatak nito sa mga manonood.

Aniya, “Actually, hindi na­man si Coco personally, ‘yung Ang Probinsyano, ‘yung progra­ma nila kasi ‘yung [Ang] Pro­binsyano is influential at kinaka­pitan talaga ng mga tao.”

Kaya raw may mga tao tala­gang maaapektuhan at kakaba­han dahil sa lakas ng teleseryeng ito.

Kasunod nito, iginiit ng Unkabo­gable Star na hindi naman nagkulang ang programa dahil bago magsimula ay may paalala o disclaimer ito na nagsasa­bing ang lahat ng tao, lugar, pangyayari at ang mismong takbo ng istorya ay pawang kathang-isip lang ng mga writers ng serye.

Aniya, “Pero ako, naniniwala ako na ‘yun ay palabas, palabas lamang at may disclaimer naman lagi na hindi ito kumakatawan o hindi ito nagri-represent sa anumang talagang ahensiya ng gobyerno.

“Ito ay palabas lamang at kathang-isip. Maaaring malapit sa katotohanan pero hindi sila talaga, hindi talaga ‘yun ang tinutukoy.”

Dagdag pa niya, “Walang tao o ahensiya [ng gobyerno] na tinutukoy.”