Pusher todas sa buy-bust

COTABATO CITY—Isang drug pusher ang napatay nang makipagbarilan sa mga awtoridad na nagsagawa ng buy-bust operation sa Bgy. Rosary Heights, sa lungsod na ito.

Ang suspek ay nakilalang si Jonathan Macalawan, residente sa nasabing barangay.

Ayon sa ulat, darakpin sana sa buy-bust operation si Macalawan, pero bigla itong bumunot ng baril at pinaputukan ang mga awtoridad.

Agad gumanti ng putok ang pulisya kaya napatay ang suspek.