Kaunting tiis pa dahil paniguradong darating din si “the one”, besh! BABAENG PINAPAYUHANG HINTAYIN A

Maestro Honorio Ong

KATANUNGAN

1. Maestro, itatanong ko lang kung kailan ako magkaka-boyfriend? Ngayon ay may ka-text­mate ako at masasabi kong ma­sugid siyang nanlili­gaw sa akin dahil madalas din siyang pumupunta sa ba­hay. Nais kong malaman kung siya na ba ang magiging boyfriend ko?

2. At kung sakaling maging kami, siya na kaya ang mapapangasawa ko?

3. Sana, masabi n’yo rin sa akin kung ano ang pa­la­tandaan ng lalaking mapapangasawa at makakasama ko, habambuhay?

KASAGUTAN

1. Malaki ang posibi­lidad na ang ka-textmate mo na ang magiging first boy­friend mo kung siya ay la­laking bilugan ang panga­ngatawan, medyo kayu­manggi ang kulay ng balat, mataba at ang nature ng kanyang trabaho ay may kaugnayan sa military tulad ng pulis, army o kaya ay security guard, puwede ring barangay tanod o bodyguard ng mayaman at maimpluwensiyang pamilya.

Ito ang nais sabihin ng zodiac sign mong Leo na agad namang kinumpirma ng malaman na Bundok ng Mars (arrow a.) at makapal na Line of Mars (Drawing A. at B. m-m, arrow b.) sa kaliwa at kanan mong palad.

2.Tanda na sa malayong lugar manggagaling ang lalaking iyong mapapangasawa at tulad ng nailarawan na, siya ay galing sa angkan ng mga military at iba pang propesyong may kaugnayan sa pagsu­sundalo o kaya ay pagpu­pulis ang trabaho ng kan­yang mga pinsan, kapatid, tiyuhin at mga kamag-anak.

3. Kapag ganyan ang deskripsiyon ng lalaking nanliligaw sa iyo sa pama­magitan ng text at madalas ay pumapasyal siya sa bahay ninyo, tiyak ang magaganap, hindi lang siya ang iyong magiging first boyfriend, bagkus, siya na rin ang makakasama mo sa pagbuo ng isang maligaya at pang­ha­bambuhay na pamilya.

MGA DAPAT GAWIN

1. Laarnie, kung ikaw ay babaeng maputi at maganda, malaki ang posibilidad na ang lalaking mapapangasawa mo ay nakauniporme.

2. Kung saan, ayon sa iyong mga datos, kung tumutugon sa mga nabanggit na paglalarawan ang trabaho ng manliligaw mo, habang ikaw ay tumutugon din sa pisikal na des­kripsiyong sinabi na sa itaas, tiyak ang magaganap, ka­unting panahon pa bago sumapit ang Pasko, hindi na mapipigilan pang mabuo ang romantiko at masaya ninyong relasyon na hahantong sa matimyas at wagas na pag­mamahalan na mauuwi sa simple, ngunit, masayang pagpa­pamilya, habambuhay (Drawing A. at B. 1-M arrow c.) na nakatakdang mangyari sa taong 2020 sa bu­wan ng Marso o kaya ay Abril, sa edad mong 27 pataas.