Kahit may 'K' naman daw… PAOLO, 'DI FEEL MAKA-LEVEL SI VIC

Erlinda Rapadas / TEKA NGA

BONGGANG-BONGGA at nakakaaliw si Paolo Bal­lesteros sa kanyang pag-spoof kay Regine Velasquez sa segment na Bak-Clash ng Eat… Bulaga!. Kering-keri niyang gayahin ang mataas at matinis na boses ng Asia’s Songbird.

Maraming viewers ang natutuwa kay Paolo sa kanyang pinaggagagawa sa EB!. May mga nagsasabi rin na kayang-kaya niyang pantayan ang kasikatan ni Vice Ganda kung gugustuhin lang niya.

Kaso, mukhang okay at happy na si Pao kung anuman ang narating niya sa showbiz. Ilang beses na rin siyang nagbida sa pelikula, but still, sa kabila ng kanyang kasikatan, eh, hindi niya maiwan-iwan ang Eat… Bulaga!