Kung last year, ang aktres ang binitbit sa family niya… ENRIQUE, JOIN SA PAMILYA NI LIZA SA PASKO SA
KINUMPIRMA ni Enrique Gil na sa susunod na linggo o dalawang linggo mula ngayon ay sisimulan na ang pelikulang pagtatambalan nilang muli ni Liza Soberano sa ilalim ng Black Sheep Productions.
Patunay lang ito na maaantala nga ang shooting ng Darna gaya ng napabalita at sa susunod na taon na nga ito sisimulan.
Ayon sa aktor, kailangan munang sumailalim sa finger surgery si Liza dahil naaksidente pala ito sa isang eksena sa Bagani. Bukod dito ay may ilang revisions din na ginagawa sa script lalo’t iba na ang direktor.
Excited si Quen sa sisimulang pelikula nila ni Liza kung saan ipinagmalaki niya sa amin na mas relatable at matured na ang mga karakter na gagampanan nila rito.
At excited din ang aktor sa nalalapit na Kapaskuhan dahil ise-celebrate pala nila ito sa America kasama ang pamilya ni Liza.
Nu’ng nakaraang taon ay sa Paris nag-Pasko sina Enrique at Liza kasama ang pamilya ng aktor. Pero ngayong taon, ang makakasama naman nila ay ang pamilya ng aktres.
Kinumusta namin ang relasyon nila ni Liza kung saan kamakailan ay lumabas sa social media ang pagse-celebrate nila ng kanilang anniversary. Paliwanag ni Quen, ito ay anibersaryo nila para sa show na Forevermore kung saan nagsimula ang tambalan nila.
Comments