Alay sa anak ng mga magulang na hindi magkasundo ni Joboy
Isang linggong pag-ibig na dala ng pagkaatat,
maagang naging tayo at nagbago ang lahat.
Ngunit, dahil sa bilis natin at hindi lubos na pagkakilala
ang pagmamahalan natin ay naging salat sa sustansiya.
Sa kabila ng lahat, tayo pa rin ay nagtagal
humantong sa puntong tayo ay ikinasal.
Tatlong anak ang ibinunga, sila’y nag-aral, nagtapos,
ngunit, dahil sa ating sitwasyon, isa sa kanila ay nasakal.
Hindi na niya matiis ang ating away at gulo,
kinukuwestiyon ang pagkasilang niya sa mundo.
Sariling buhay balak na niyang dalhin sa pinakadulo.
Oh, ano na ba ang nangyayari sa ating bunso?
May pananampalataya rin siya, ngunit, salat,
kasinsalat ng dapat sana’y pag-ibig nating tapat.
Masagana nga ang ating buhay, tayo ay pamilyang maykaya.
Ngunit, kulang sa pag-ibig, kaya puso ni bunso’y tuluyang napisat.
Tuparin naman sana natin ang isa pa niyang hiling
na tayo’y magkasundo na’t ipagpatuloy ang pag-ibig na bitin.
Mawalan ng anak ay hindi naman natin gugustuhin,
kaya tayo na at ibigay sa kanya ang kanyang panalangin.
Magandang araw, mga bes! ‘Wag nang magpahuli sa trend at i-share na ang inyong #Hugot at i-confess mo na, bes ang matagal mo nang gustong aminin sa bagong column ng BULGAR na WHAT’S IN, KA-BULGAR? Ito na ang perfect timing para ma-publish ang laman ng inyong damdamin kaya mag-send na ng personal message sa aming official Facebook page – www.facebook.com/BULGAR.OFFICIAL. Hihintayin namin ang PM n’yo, mga bes, hindi ‘yung puro kayo na lang ang naghihintay sa wala. Char!
Comments