Search
  • BULGAR

AKHUETIE NG UP MAROONS, ITINANGHAL NA UAAP-PC-POW


ISANG dominanteng puwersa noong naglalaro pa siya sa University of Perpetual Help sa NCAA, inasahan ng pangungu­na­han ng Nigerian slot­man na si Bright Akhue­tie ang University of the Philippines tungo sa ina­asam na tagumpay sa pagpasok niya ngayong UAAP Season 81.

Ngunit sa ngayon at hindi pa rin naaabot ng Fighting Maroons ang hangad nilang tapusin ang 21-taong Final 4 drought.

Gayunman, nanana­tiling nasa kontensiyon pa rin ang koponan para umusad sa susunod na round.

Noon ngang nakara­ang Sabado, inilapit ni Akhuetie ang UP sa kani­lang target na makatun­tong ng Final 4 round.

Umiskor ang 6-foot-8 slotman ng double-double 25-puntos at 18-rebounds upang pamunuan ang UP sa 83-69 paggapi sa UST na ganap na ding nagpa­talsik sa huli sa konten­siyon sa pinag-aagawang Final 4 spot.

Bunga ng kanyang outstanding performance, nakamit ni Akhuetie ang Chooks-to-Go Collegiate Sports Press Corps UAAP Player of the Week award.

Nangingibabaw din sa labanan para sa Season MVP, sa loob ng 13 laro ay nakapagtala siya ng average na 19.1 puntos, 14.2 rebounds, 3.0 assists, 1.2 steals at 1.0 blocks bukod pa sa impresibong 60.7 percent shooting.

Naungusan niya para sa lingguhang citation sina FEU standouts Ar­vin Tolentino at Kenneth Tuffin, NU center John Lloyd Clemente, Ateneo ace Thirdy Ravena at Adamson captain Sean Manganti. (VA)

0 comments

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2021 bulgaronline

Sison's Publishing House, Inc.