Kaya dehins mo na raw kailangang uminom ng sleeping pills, lodi! DEVICE NA NAKATUTULONG SA MAHIMBING

Jersey Sanchez / Gulat ka 'noh?!

DEHINS maka­tulog nang maaga dahil distrac­ted sa ibang bagay? Don’t worry dahil may de­vice nang naimbento ang mga eks­perto upang mapabilis ang inyong pagtulog sa gabi. Amazing!

Isang device ang naim­bento para sa mga taong hirap makatulog sa gabi. Ito ang ti­natawag na Dodow kung saan ang device na ito ay nakatutu­long upang tayo ay makatu­log nang mahimbing sa pamamagitan lang ng walong minuto.

Samantala, ang Dodow ay nagpo-project ng asul na ilaw sa kisame kung saan isinasabay ang paghinga ha­bang lumalaki at lumiliit ang repleksiyon ng ilaw nito sa kisame.

Kaya habang tayo ay na­kapokus sa ilaw at sa ating paghinga, mawawala ang aten­siyon natin sa ibang mga bagay at tuluyan na tayong makatutulog sa pamamagi­tan lamang ng walong mi­nuto. Ayon sa mga deve­loper nito, ang pagiging masigla ay nakapag­ba­balanse sa ner­vous sys­tem ng tao at kapag na­katago umano ang corti­sol at nakahinto ang no­radre­nalin, lumalabas ang sleep hor­mones na melato­nin.

Ang melatonin ay hor­mones na tumataas sa gabi at bumababa pagdating ng umaga.

Samantala, ayon sa mga eksperto, ang mga taong ku­lang sa melatonin ay hirap sa pagtulog, pero mayroon na­mang supplements para rito.

Gayundin, kaya mabisa ang Dodow device dahil na­katutulong daw um­ano ang ilaw na nangga­galing dito upang ang isip natin ay ma­tuon sa alpha state sa pa­ma­­ma­gitan ng low frequen­cy brain waves. Ito ang ma­hala­gang hakbang upang ma­kakuha tayo ng ma­him­bing na tulog sa gabi.

Kaya ang payo ng mga eks­perto, huwag kalili­mu­tang maging kalmado nang sa ga­yun ay hindi ma­hira­pan sa pagtulog. Kaya kung ikaw ay na­hihirapang matu­log, beshy, ito na ang solus­yon na ma­tagal mo nang hinihintay. Have a good sleep, mga beshy!