SAN BEDA-ALABANG VS. EAC-CAVITE NCAA-SOUTH BASKETBALL SA DASMA

MAGBUBUKAS ngayong araw ang ika-20th na season ng NCAA-South men’s basketball tournament sa Philippine Christian University-Dasmariñas gym sa Cavite.

Maghaharap ang San Beda-Alabang at Emilio Aguinaldo College-Cavite men’s team sa ganap na 8 a.m. habang ang kanilang koponan sa women’s at boys’ division ay magtutunggali sa 10 a.m. at alas-12 ng tanghali. Magsasagupa ang De La Salle-Lipa at ang host school na PCU-Dasmariñas sa women’s division sa 2 p.m., boys ng 4 p.m. at men’s sa 6 p.m.

Ayon kay NCAA-South Policy Board president na si Jordan Ramos, matinding paghahanda ang ginawa ng PCU-Dasmariñas sa kanilang hosting ng 20th season ng NCAA-South.

Nagpagawa rin ang unibersidad ng bagong gym kung saan doon idaraos ang karamihan sa mga laro ng basketball. “We expect a high level of competition this season. As host school, we will do our best to make the season a successful one,” saad ni Ramos.Ayon naman kay NCAA-South Management Committee chairman Juanito Belandrez, ilalaro ngayong season ang baseball bilang isang demonstration sport. Lalaruin din ngayong season ang volleyball, chess, at taekwondo sa first semester at football, table tennis, badminton, swimming, futsal, tennis, at beach volleyball sa second semester.