Pahiwatig na maliligtas sa kalungkutan

Socrates Magnus

Salaminin natin ang panaginip ni Tess ng Tess _Chua@facebook.com

Dear Professor,

Kagabi ay nanaginip ako tungkol sa lalaki na nakaputi.

Napakatamis ng kan­yang mga ngiti at may ka­sama siyang bata. Ano ang ibig sabihin nito?

Salamat!

Naghihintay,

Tess

Sa iyo Tess,

Isang lalaki na disente at maganda ang pinagkaka­ki­taan ang nakita mo, siya rin ay masasabing successful.

Ayon sa iyong panagi­nip, ang lalaking nakaputi ay ibibigay sa iyo ng kapalaran upang iyong maging gabay patungo sa tagumpay.

Ito ay upang matakasan mo ang kahira­pan. Sa maka­lumang pag-a­analisa ng pa­naginip, siya ay tinatawag na “the prince of life”.

Pero sa makabagong pa­nahon, siya ay simpleng tina­tawag na “the savior from your dreams”.

Kaya ililigtas ka niya mula sa kalungkutan, anu­man ang sanhi ng iyong lungkot tulad ng kahirapan, kawalan ng asen­so sa buhay at marami pang iba.

Ang bata sa panaginip mo na kasama niya ay hindi aktuwal na bata kundi, ba­gong pagkakataong nagsa­sa­bing tuluyan ka nang mag­kakaroon ng buhay na ma­sa­gana at mismong siya ang magdadala nito sa buhay mo.

Tulad ng pangkarani­wang bata, ito ay dapat na inaalagaan at hindi pinaba­bayaan, kaya ang ibibigay sa iyo na bagong oportunidad ay alagaan mo at huwag mong pababayaan. Ingatan mo ito tulad ng ginagawang pag-iingat sa mga bata, ga­yundin, mahalin mo ito.

Sa negosyo, kapag bago pa lang ito, ang may-ari ay tutok na tutok. Kumbaga, hindi niya ito hinahayaan, bagkus, tinitingnan ang mga pangangailangan at binaban­tayan.

Sa ganyang pananaw ng panaginip, asahan mong hin­di ka mabibigo basta huwag kang tutulad sa ibang mga negosyante na lumaki ang ulo dahil inakala nilang hindi na sila mau­ubu­san ng pera.

Basta ang paalala sa iyo, huwag kang tutulad sa kanila.

Hanggang sa muli,

Professor Seigusmundo del Mundo