Bagyo sa Italy, mga pinoy safe

INIHAYAG ni Department of Foreign Affairs (DFA) officer Domingo Nolasco na walang Pilipino ang nasawi sa pananalasa ng bagyo sa Italy.

Ani Nolasco, ligtas umano ang nasa 168,000 Pinoy na naninirahan sa Italy.

Ngunit, pinaalalahanan din nito ang mga Pilipino na nasa Italy na manatiling nakaalerto at i-monitor ang galaw ng bagyo.

Nagpahayag naman ng pakikiramay si Foreign Affairs Assistant Secretary Elmer Cato sa pamilya ng 29 na nasawi sa kalamidad.

Kasalukuyang nakaalerto ang Embahada ng Pilipinas sa Roma, Consulate General sa Milan at Honorary Consulate sa Venice upang bantayan ang lagay ng mga Pilipino sa Italy.