Video scandal ni Cesar, ginaya… SIGAW NG NETIZENS: RHIAN, CORNY, KSP AT TODO-SAKAY SA GIMIK NG IBA M

Len Ramos Llanes / ISKUP

GUSTO namin ang attitude ni Cesar Montano how he handles the latest controversy na kinasasangkutan niya.

‘Di nga ba’t nag-viral ‘yung video birthday greetings niya sa isang kaga­wad kung saan sa background ay may babaeng hubo’t hubad na nagla­lakad?

But instead mapikon o magalit, sinakyan na lang ito ni Cesar at gu­mawa pa nga ng another video greetings f­or the birthday boy, Arnold Clavio. ‘Yun nga lang, minus the background.

At dahil sa pagkalat ng naturang video, marami ring gumawa ng spoof nito, pero ang pinakagusto raw ni Cesar ay ‘yung kay Buknoy.

Pati nga si Rhian Ramos ay ginaya rin ang video ni Cesar. Binati nito ang mga patay na followers niya at ang nasa background na naglalakad ay ang naka-bikining si Solenn Heussaff at sumilip din nang half-body ang asawa nitong si Nico Bolzico.

‘Yun nga lang, ‘di nagustuhan ng ilang netizens ang ginawa ni Rhian dahil ang corny daw nito at sumakay lang sa isyu para mapag-usapan. Tinawag pang KSP ang aktres at sinabihang gumawa ng sarili niyang gimik para mapan­sin, ‘wag daw maki­sakay sa kasi­katan ni Cesar.