Kaya dehins mo na raw kailangang mag-worry kung mababa ang tolerance mo, lodi! REDEE PATCH, EPEKTIB
DEHINS ka ba madalas uminom ng alak, beshy, dahil mababa ang tolerance mo rito? Oks lang ‘yan dahil knows ba ninyong may bagong naimbento ang mga eksperto na tiyak na magpapaligaya sa inyo?
Ito ang tinatawag na Redee patch kung saan kapag idinikit ito sa katawan ng taong iinom ng alak ay tiyak na hindi siya mamumula at magkakaroon ng amats.
Ayon sa mga nakadiskubre nito, ang Redee patch umano ay may antioxidant na glutathione na sinamahan pa ng acetaldehyde na nagiging harmless acetate.
Sa pag-aaral noong January 2018 mula sa Cambridge University sa UK, natuklasan nila na ang acetaldehyde ay nakada-damage sa DNA blood cells at chromosomal.
At dahil sa pamumulang ito ay napipilitan ang ilan na uminom ng antihistamines tulad ng Zantac at Pepcid AC nang sa gayun ay mabawasan ang kanilang pagpa-palpitate.
Gayunman, sinabi ng founder na si Ryan Lee na ang layunin talaga nila ay ang mabawasan lang ang heartburn medications, pero hindi nila inaasahan na may iba pa itong benefits na maibibigay sa ating katawan.
Ang Redee patch ay may iba’t ibang presyo depende sa kung ilang piraso ang nilalaman ng isang pakete. Mayroong 6 na piraso kung saan ito ay nagkakahalaga ng $11.99 habang ang 30 piraso naman ay mabibili sa halagang $39.99.
Samantala, marami na ang nakabili nito kung saan masasabi talaga nilang epektibo ang produkto at hindi nasayang ang ipinambili nila rito.
At dahil noong March ay nagsimula nang ibenta ang nasabing patch, marami na ang gumagamit nito lalo na ‘yung mga madalas na nasa gimikan. He-he-he!
Kaya naman para sa mga lodi natin diyang mababa ang tolerance sa alak, mestiza o mestizo kuno, try n’yo na ‘to nang sa gayun ay dehins na kayo tatanggi sa mga lakad ng barkada.
Always remember na mahalaga ang nag-e-enjoy sa buhay habang bata pa!
Copy?
Comments