FOTON TORNADOES AT UST, NANAIG SA PSL OPENING

GINIBA ng Foton Tornadoes ang Generika-Ayala, 20-25, 25-21, 25-14, 19-25, 15-5 para simulan ang kampanya sa Philippine Superliga All-Filipino Conference kahapon sa Ynares Sports Arena sa Pasig City.

Tumapos si Mina Aga­non ng 20 puntos habang si Maika Ortiz ay may 13 nang tangayin ng Tornadoes ang 1-0 win-loss record na patas na sa Smart, Petron at F2 Logistics sa prestihiyosong women’s club tourney. Naglaro angFoton nang wala ang magkapatid na sina Dindin at Jaja Sntiago, pero ayon kay squad captain Ortiz ay hindi iyon nagpa­bigat sa kanilang team.

“As the leader, it’s not really a big of a challenge for me because everyone in the team really contributes a lot,” ani Ortiz. “We can’t always say that we don’t have Dindin and Jaja, we have to step up for the team,” sabi ni Aga­non. “We have to make use of what we have in our team right now.”

Binigyan ng Foton ang Generika-Ayala ng 7 errors sa 5th set at kabuuang 42 miscues sa loob ng 2 oras, 12 minuto na laban sa torneo. Namuno si Fiolla Ceballos para sa Generika-Ayala sa bisa ng 21 points, habang si Patty Orendain ay may 14 at 14 din si team captain Angeli Araneta.

Samantala sa PSL Collegiate Grand Slam, nanaig ang University of Santo Tomas sa Colegio San Agustin-Biñan para ipalasap ang straight-sets loss, 25-12, 25-13, 25-10.

Namuno si Tots Carlos sa University of the Philippines para biguin ang University of the East, 22-25, 25-16, 25-22, 31-29 sa opening game ng PSL. (MC/VA)