Misis hinikayat na mag-suicide | MISTER 10 YRS. KULONG

SAMPUNG taon na pagkakakulong ang inihatol sa isang mister sa Australia matapos mapatunayang guilty sa paghikayat sa kanyang misis na magpakamatay.

Sa ruling ng judge mula sa Queensland Supreme Court, sinamantala umano ng akusadong si Graham Morant, 68, ang dinaranas na depression and anxiety ng kanyang misis noong 2014.

Lumalabas na pinayuhan ng nasabing mister ang 56-anyos na misis na magpakamatay na lamang at ang makukuhang life insurance money ay gagamitin sa isang religious group.

Hanggang sa 2014 nang matagpuang patay si Jennifer Morant sa petrol generator ng kanyang kotse, kalakip ang suicide note na: “Please don’t resuscitate me”.