Wanted na killer timbog

BATANGAS CITY—Isang wanted na killer ang naaresto ng pulisya, kamakalawa sa Bgy. Libjo sa lungsod na ito.

Ang suspek ay nakilalang si Mark Anthony Bugayong, residente ng nabanggit na lungsod.

Nabatid na dinakip ng mga awtoridad si Bugayong sa bisa ng warrant of arrest na inisyu ng korte kaugnay sa kinasasangkutan nitong kasong murder sa lalawigan ng Batangas.

Hindi nanlaban si Bugayong nang arestuhin ito ng pulisya sa nasabing lugar.