Pusher tiklo sa buy-bust
Pabs Hernandez III
Nov 2, 2018
1 min read
KORONADAL CITY—Isang drug pusher ang nadakip sa isinagawang buy-bust operation ng pulisya, kamakalawa sa Bgy. Zone 4 sa lungsod na ito.
Kinilala ang suspek na si Kim Mark Trespeces, nakatira sa bayan ng Surallah, South Cotabato.
Nabatid na nakakumpiska ang mga awtoridad ng isang sachet ng shabu at markadong pera sa pag-iingat ng suspek.
Nakapiit na si Trespeces na nahaharap ngayon sa kasong paglabag sa Dangerous Drugs Act of 2002.
Comments