Search
  • Eddie M. Paez Jr.

RACASA, CHAMP SA ANGELES CITY KIDDIES CHESS TOURNAMENT


UMAASANG ma­didis­kubre ang mga susunod na bituin sa larangan ng ahedres sa pamamagitan ng mga kiddies tournaments na patuloy na ginaganap sa iba’t-ibang bahagi ng bansa.

Sa Balibago, Angeles City, ipinakita ni Antonella Berthe Racasa kung bakit siya ang paboritong mangibabaw sa paligsahang tinaguriang 2018 Mayor’s Cup Kiddies Chess Tournament nang irehistro ng 11-anyos ang walang pagka­talong anim at kalahating puntos mula sa pitong rounds.

Nakuntento naman ang 12-anyos na si Franchesca Largo, 5th seed at may rating na 1833, sa pangalawang puwesto dahil sa rekord nitong anim na panalo at isang talo habang kay April Joy Claros, 11-taong-gulang at 2nd seed, napunta ang huling baytang ng winners’ circle (6.0 puntos). Samantala, nasaksihan sa Pantukan, Compostela Valley ang pag­domina ng 14-anyos na si Clyde Har­ris Saraos sa PCCC Anniversary Chess Kiddies.

Humataw ang 2nd seed na chesser ng limang mag­kakasunod na panalo bago nakipaghatian ng puntos sa huling yugto para makaipon ng 5.5 puntos at ma­ta­gumpay na maiuwi ang kampeonato. Ang rating ni Saraos ay 1978 lang pero ang kanyang naging performance rating sa pagsasara ng kom­petisyon ay mataas na 2195.

Pumasok naman si James Catayas, 10-anyos at ranked 7th, sa podium bilang bridesmaid (5.0 puntos) habang pumangatlo si Aliyah Rae Lumangtad, 12-anyos at pang-apat sa seedings (5.0 puntos).

0 comments

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2021 bulgaronline

Sison's Publishing House, Inc.