P1.4 bilyong tulong para sa biktima ni ‘Rosita’, ready na

KASABAY ng pananalasa ng Bagyong Rosita, iniha­handa na ng gobyerno ang pondo para sa mga mabibiktima nito.

Ayon sa Department of Social Welfare and Development (DSWD), nasa P1.4 bilyon disaster fund ang inilaan.

Kaugnay nito, mino-monitor na ang mga lugar na da­raanan ng bagyo at ready na ring maghatid ng tulong sa mga lokal na pa­mahalaan na maaapektuhan.

Sa ngayon, mula sa nabanggit na halaga, P465, 743,481.71 ang standby fund sa DSWD-Central Office (CO) at field offices. Habang P411, 020,429.10 ang inilaan para sa quick response fund ng CO.

Mayroon na ring hawak na kabuuang 371,763 family food packs ang DSWD na nagkakahalagang P135, 717,678.32, samantala, P803, 803,144.45 food at non-food items ang nakaantabay na rin.

Tulad ng palagi nating sinasabi tuwing may bagyo at ga­nitong ayuda mula sa gobyerno, magpasalamat tayo sa mga taong nagsisilbing daan para makarating ito sa mga na­ngangailangan.