Search
  • BULGAR

Pahiwatig na maging positibo sa buhay

Socrates Magnus

Salaminin natin ang pa­naginip ni Icee ng Icee_ Bongalos@facebook.com

Dear Professor,

Ano ang ibig sabihin ng nanaginip ng ice cream, palay at dumi ng bata, ga­yundin, ang nagbibilang ako ng maraming pera?

Naghihintay,

Icee

Sa iyo Icee,

Marami ang nag-aaka­lang walang kabuluhan ang mga panaginip, pero ngayon ay mapatutunayan mo na ang mga panaginip pala ay may malaking epekto sa bu­hay ng tao.

Una, ang mga nananagi­nip ng ice cream ay sigura­dong masaya at ang mga ngiti nila ay kasintamis at kasin­sarap ng ice cream kaya sa buong maghapon makiki­tang sila ay pinaghaharian ng positibong pananaw.

Alam mo, iha, ang isang qoute na sikat hanggang nga­yon na “ think positive”, ang dapat mong isabuhay da­hil kapag naging positibo ang lahat, magiging positibo rin ang iyong kapalaran. Ha­bang, ang palay na na­panagi­nipan mo ay nagsasa­bing paparating sa iyo ang ka­saganahan ng buhay.

Ang dumi ng baby ay ga­yundin, maganda rin ang ka­hulugan na ang ibig sabihin ay may mga bagong oportu­nidad na magdaratingan sa iyong buhay.

Samantala, ang nagbibi­lang ka ng pera? Palagay ko alam mo na kung positibo o hindi ang ganitong panaginip.

Mapalad ang taong ang mga panaginip ay positibo at nagbibigay-saya at sigla. Hindi naman mahirap pani­walaan ang mga ganito dahil posible naman itong mang­yari sa buhay ng tao. Kaya ang ipinaaalala ng iyong panaginip ay huwag kang maging negatibo nang sa ga­yun ay hindi ka malasin. Pero, ang tulad mong nana­nagi­nip ng mga positi­bong bagay, kahit sobrang hirap na ng pi­nagdaraanan sa bu­hay, ti­yak na gagaan ang iyong pa­ki­ram­dam at ma­saya mong ha­harapin ang kina­bu­kasan. Mapalad ka! Bakit? Da­hil muli, ang mga napana­gi­nipan mo ay mga positibo ang kahulugan.

Hanggang sa muli,

Professor Seigusmundo del Mundo

0 comments

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2021 bulgaronline

Sison's Publishing House, Inc.