Kahit magmukha ka pa raw ermitanyo, kuya! PAGPAPAHABA NG BALBAS, KERING MAKATANGGAL NG IBA’T IBANG S
BALBAS-sarado ka ba, tsong! Good ‘yan dahil knows ba ninyong ang pagkakaroon ng balbas ay maraming health benefits? Weh, ‘di nga?
Madalas talagang makantiyawan ang mga taong may balbas dahil may ilang nagsasabi na marungis at pangit daw itong tingnan. Pero, gayunman marumi man ito sa kanilang paningin ay marami naman itong naidudulot na maganda sa ating katawan.
Sa katunayan, ayon sa ThoughtCatalog.com, ang pagse-shave umano ng balbas ay nakapagdudulot ng acne, kaya kung hindi mo ito kadalasang ginagawa, eh, malaki ang tsansang magkaroon ka ng maganda at makinis na balat, gayundin dahil pinoprotektahan nito ang pagtama ng UV rays sa inyong mukha ligtas ka naman sa pagkasunog ng iyong balat.
Samantala, ang mga taong mayroong balbas ay hindi rin gaanong nagkakaroon ng wrinkles, kaya dehins na ninyo kailangang mag-worry kung feeling n‘yo, eh, tumatanda na kayo.
Sa usapang oral health naman, ang balbas ay nakatutulong upang ma-lessen ang posibilidad ng pagkakaroon ng gum disease at nakape-prevent ito sa pagkakaroon ng bacterial infections lalo na kung itinuturing itong buhay at inaalagaan.
Kaya para sa mga lodi natin diyan na may makapal na balbas, oks lang na mapagkamalang si Santa Claus, basta healthy naman ang kalusugan, ‘di ba? Ho-ho-ho!
Comments