‘Ika nga, honesty is the best policy, teh! BABAENG PINAPAYUHANG MAGING TAPAT SA MANLILIGAW UPANG MAG

Maestro Honorio Ong

KATANUNGAN

1. May tinakasan akong masamang kara­na­san sa aming probin­siya. Naging biktima ako ng panghahalay ng sarili kong kuya na kapatid ko lang sa ama.

2. Sa ngayon ay nama­masukan ako sa isang gro­cery at naisipan kong su­mangguni sa inyo dahil may nanliligaw sa akin at malapit ko na siyang sa­gutin.

3. Kaya nais ko ring malaman, Maestro, kung dapat ko bang ipagtapat sa kanya na naging bik­tima ako ng panghahalay, bago ko siya sagutin o kapag magkasintahan na kami ay saka ko na lang ikuwento sa kanya ang aking masamang naka­raan?

4. Balak ko na kasi siyang sagutin sa birth­day niya sa November 16. Tama ba ang iniisip kong ito at siya na kaya ang la­laking nakaguhit sa aking mga palad na tatang­ga­pin ako sa kabila ng aking mapait na nakaraan?

KASAGUTAN

1. Ganito ang sinasabi ng guhit ng iyong palad, Ms. Pisces, kung saan hindi na­man magbabago ang pagti­ngin sa iyo ng manliligaw mo na balak mo ng sagutin o ma­ging boyfriend, ito ang nais sabihin ng kaisa-isang ma­linaw at magandang Marriage Line (Drawing A. at B. 1-M arrow a.) sa kaliwa at kanan mong palad.

2. Ibig sabihin, kung ipagtatapat mo sa kanya ang iyong nakaraan bago mo siya sagutin sa darating na Nob­yembre, ma­nanaig pa rin naman sa dakong huli ang kaisa-isang maganda at malinaw na Marriage Line (arrow a.) sa kaliwa at kanan mong palad. Ito ay maliwa­nag na tanda ng isang ma­ligaya at matagumpay na pag-aasawa na kinumpirma rin naman ng maaliwalas at maganda mong lagda.

3. Ibig sabihin, bagama’t may pangit kang nakaraan, hindi naman ito makaa­apek­to sa kasalukuyan mong bu­hay basta magi­ging tapat ka sa iyong manliligaw upang minsan pa tulad ng nasabi na, ang mananaig pa rin sa dakong huli ay ang dalisay at wa­gas na pag-ibig ng lalaking pagka­kalooban mo ng iyong tiwala at pagma­mahal.

DAPAT GAWIN

Samantala, ayon sa iyong mga datos, Ms. Pis­ces, hindi makasasagabal sa kasaluku­yan ang mapait mong na­karaan sapagkat tulad ng nasabi na, ang maganda at maayos mo pa ring Marriage Line (Drawing A. at B. arrow a.) ang ku­mumpirma na sa bandang huli, ang takdang kapalaran pa rin ang masu­sunod kung saan kayo na nga ng lala­king kasa­lukuyan mong man­liligaw ang magka­ka­tuluyan at naka­takdang mag­sama sa pagbuo ng isang ma­ligaya at pangha­bambuhay na pa­milya.