Dalagitang kapatid ginahasa

BUTUAN CITY—Isang lasing ang dinakip ng pulisya dahil sa ginawa nitong panggagahasa sa kanyang dalagitang kapatid, kamakalawa sa Bgy. Libertad sa lungsod na ito.

Hindi muna pinangalanan ng mga awtoridad ang suspek habang iniimbestigahan ito.

Sa pahayag ng biktimang si “Nancy”, 15-anyos, lasing umano ang kanyang kuya nang gahasain siya nito sa loob ng kanilang bahay.

Itinanggi ng suspek ang alegasyon sa kanya ng nakababata niyang kapatid.