WARRIORS AT WIZARDS, ‘DI PINAPORMA ANG PHOENIX SUNS AT TRAILBLAZERS

NAGPAULAN ng 29 puntos si Stephen Curry sa nalalabing 20 na minuto bago naupo sa 4th quarter kahapon, upang muling painitin ang opensa ng Golden State Warriors sa 123-103 kontra Phoenix Suns sa Oakland, California.

Ang panalo ang nagpalawig sa winning streak ng Warriors kontra Phoenix para sa franchise best 16 straight at ibinigay sa Warriors ang ika-14 na sund-sunod na home win kontra Pacific Division rivals.

Huling nagwagi ang Phoenix sa Golden State noong Nob. 9, 2014 sa 6th game ni Steve Kerr bilang Warrior’s head coach. Si Curry ang nagbukas sa season na may tatlong sunod na 30 puntos kaagad sa unang pagkakataon sa kanyang career, pero nabigo nang makaapat matapos ang tatlong peryodo.

Ayon sa talaan, sina Curry at ang kanyang ama na si Dell ay parehong naka- second place sa NBA’s all-time scoring list para sa father-son duos na nanaig kina Danny at Dolph Schayes (27,218). Stephen Curry (14,556) at si Dell Curry (12,670) ngayon ay may 27,226 points. Hawak nina Kobe at Joe Bryant ang NBA record na 38,895.

Samantala sa iba pang laban, nagwagi ang Washington Wizards sa 125-124 sa overtime victory kontra Portland Trail Blazers. (MC)