Problemado dahil hindi gusto ng magulang ang girlfriend

Dear Roma,

Ako si Karl, magta­tatlong taon na kami ng girlfriend ko, may anak na siyang 2 years old. Bago ko siya niligawan, alam ko na siya ay dating nagtatrabaho sa bar at may anak. Tanggap ko ‘yun dahil alam kong nag­bago na siya at mahal ko siya. Noong umpisa pa lang ay ayaw na ng mga magulang ko sa kanya kasi nga may anak na siya. Ilang beses kong sinubu­kang ipaintindi sa kanila na tanggap ko kung sino at ano ang kala­ga­yan ng girl­friend ko. Ngayon, pi­na­­pipili ako ng mga ma­gulang ko kung itutuloy ko raw ba ang relasyon namin ng girlfriend ko dahil kung oo ay hindi na nila ako kikilalanin bi­lang anak. Mahal na mahal ko ang girlfriend ko at mi­nahal ko na rin ang anak niya. Roma, ano ba ang dapat kong gawin? — Karl

Karl,

Talaga namang naka­hahanga ang mga lalaking tulad mo na tanggap kung anuman ang kala­gayan ng nobya mo. Naka­lulungkot lamang isipin na may mga ma­gulang talaga na kayang hadlangan ang kasiyahan ng kanilang anak, para sa sarili nilang kagustuhan. Ang maipa­payo namin sa iyo ay sundin mo kung ano ang sinasabi ng puso mo. Kung talagang mahal mo ang girlfriend mo, ipakita mo sa mga magu­lang mo na kaya mo si­yang mahalin sa kabila ng may kaakibat na responsi­bilidad ang pagsasama ninyo. Tandaan mo, walang magulang na kayang tiisin ang anak. Maghintay ka lang at da­rating din ang panahon na matatanggap nila ang re­lasyon ninyo. Good luck at God bless!