Manager tinodas ng gunman

DAVAO DEL NORTE—Isang manager ang binaril at napatay ng hindi kilalang armadong salarin, kamakalawa sa Bgy. Magugpo East, Tagum City sa lalawigang ito.

Kinilala ang biktima na si James Gallardo, manager ng isang kumpanya sa nasabing lalawigan.

Nabatid na habang palabas sa kanyang kotse si Gallardo ay nilapitan ito ng suspek at agad pinagbabaril hanggang sa mapatay.

Inaalam na ng mga awtoridad ang motibo sa naganap na krimen.