Search
  • BULGAR

Sa bawat panaghoy, yabag at iyak na ating naririnig... MGA BATANG BINAWIAN NG BUHAY DAHIL SA PALPAK


PAO CHIEF PERSIDA ACOSTA / DAING MULA SA HUKAY HUSTISYA

NOBENTA SAIS (96) na ang natapos ng Public Attorney’s Office (PAO) Forensic Team na autop­sies ng mga bangkay na bi­nakunahan ng kontra dengue na Dengvaxia.

Pagkatapos bakuna­han, ang bawat pagdaing nila ng dahil sa matinding sakit ng ulo, tiyan at katawan, pag­katapos humina ang ‘im­mune system’ ng dating ma­sigla at malusog na bata, sa bawat pananangis ng mga biktima na sumisi­gaw ng: “Hindi ko na kaya… Aray! mama, masa­kit…, nanghi­hina po ako at nan­lalabo po ang aking mga mata — hanggang sa mala­gutan na ng hininga.

Sino ang walang pusong magsasabi na nagdadrama lang sila, gayundin ang mga ma­gulang na pa­rang kinu­kurot ang puso sa bawat panaghoy ng kanilang mga anak na ma­hal? Na­matay nang wa­lang kalaban-laban. “Mga bik­tima sila ng kri­men!”, sigaw ng mga ma­gu­lang at kaanak ng mga namatay.

“Hindi nila sinabi na may “side-effects” pala ito. Ang sabi nila, ligtas na sa dengue, pero bakit na-den­gue? Bakit dumugo ang utak at internal organs? Sabi nila, mabuti sa hindi pa nade-dengue, ‘yun pala ay ma­sama. Niloko kami! Anak, patawad, hindi ka pala dapat binakunahan,” ang panag­hoy ng butihing-ina ng pang-96 na dumaan sa PAO fo­rensic autopsy.

Kailan kaya mamumu­tawi ang salitang ito sa mga labi ng mga totoong may ka­­salanan sa likod ng naka­mama­tay na bakuna? May pag-asa pa kaya itong marinig mula sa kanila? Sa ngayon, kung pagbabasehan ang mga sinasabi at inaasal nila, ang salitang “patawad” ay tila gin­to na napakamahal.

Noong Miyerkules, ika-17 ng Oktubre, 2018, luma­bas ang Denial-Order ng Department of Justice (DOJ)-National Prosecution Ser­vice (NPS) sa Motion to Admit Affidavit ni Dr. Ray­mundo Lo, na testigo diuma­no ni Dra. Janette L. Garin. Ang sabi sa Denial-Order ay sa hukuman dapat iprisinta ng mga expert at hukuman ang hahatol sa isyu kung sino ang kapani-paniwala at eks­perto.

Noong Mar­tes naman, ika-16 ng Oktu­bre, 2018 ay lu­ma­bas din ang DOJ-NPS Re­solution na nagpa­basura sa kasong libelo la­ban kina ex-DOH Secre­tary Dra. Paulyn Ubial, Dr. An­thony Lea­chon, Dr. Fran­­cisco S. Cruz at Dr. Ted Herbosa. May “sense of justice” ang mga public statement ng mga na­sabing manggagamot para sa kapa­kanan ng mga bina­kunahan, ayon sa nasa­bing DOJ-NPS Resolution.

Ang mga nabanggit na Denial-Order at Resolution mula sa DOJ-NPS ay nag­mistulang pinakahihintay na mga patak ng ulan sa tag-araw. Nawa ay pa­tuloy na­ming matamasa ang biya­yang ito — ka­tamtamang bu­hos ng ulan na banayad sa paki­ramdam, sapat lang na makapag­papataba ng lupa at hindi magha­hatid ng sobrang tubig na magdudulot ng pag­baha. Sa kabuuan, ang sit­was­yong ito ay tila nag­pa­pa­hi­watig ng masaganang ani ng katarungan sa dulo ng laban.

Madaling-araw ka­ha­pon, bigla akong nagising at na­pabangon. May parang gu­mising sa aking mahimbing na pagkakatulog. May mes­sage pala sa cellphone ko na galing kay Ate Annie Gabito ng Volunteer’s Against Crime and Corruption (VACC), sinabi niya na may namatay na binakunahan sa lalawigan ng Quezon.

Pagbukas ko ng bintana ay may malakas na hangin akong naramdaman. Habang ako ay nagmumuni-muni, naisip ko na maraming kalu­luwang sumusundo sa akin upang magkaroon ng paniba­gong lakas at matu­lungan ng PAO ang mga ka­anak ng mga biktima na su­misigaw ng hus­­tisya mula sa hukay.

(Itutuloy)

0 comments

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2021 bulgaronline

Sison's Publishing House, Inc.