Malinaw ayon sa birthday...BINATANG NAKATAKDANG SAGUTIN NG NILILIGAWAN KUNG LALAKASAN NITO ANG KANYA
- BULGAR
- Oct 17, 2018
- 1 min read
Dear Maestro,
May nililigawan akong babae, kaya lang hindi ko malaman sa sarili ko kung bakit natatakot akong magtapat ng pag-ibig sa kanya. Siguro, dahil takot akong ma-busted.
Kung magtatapat ako sa kanya, may tsansa kaya na sagutin niya ako at siya na ba ang unang magiging girlfriend ko?
June 7, 1993 ang birthday ko at February 13, 1994 naman ang birthday ng babaeng nililigawan ko.
Umaasa,
Jorge ng San Agustin, Victoria, Tarlac
Dear Jorge,
Ayon sa Compatibility Analysis, tunay ngang tugma ang zodiac sign mong Gemini sa zodiac sign na Aquarius ng babaeng nililigawan mo, gayundin ang birth date mong 7 ay suwetung-suweto rin sa birth date niyang 13 o 4 (1+3=4).
Kung saan sa pang istadistikang pagtaya maraming isinilang sa petsang 7, 16 at 25 ang nakakatuluyan ang mga isinilang sa petsang 4, 13, 22 at 31.
Ibig sabihin, tama ang ibinubulong ng iyong damdamin, kung magtatapat ka ng iyong pag-ibig sa babaeng nililigawan mo sa panahong ito na papalapit na ang kapaskuhan, sa kauna-unahang pagkakataon magkaka-girlfriend ka na rin sa wakas at magkakaroon ng isang masaya at panghabambuhay ng relasyon.
Ibig sabihin, kaunting lakas lang ng loob ang puhunan at piliin ang mga petsang paborable sa inyong dalawa tulad ng mga petsang 10, 19, 28, 2, 11, 20, 29, 4, 13, 22, 31, 7, 16 at 25.
Sa ganyang diskarte na nagtapat ka ng pag-ibig sa babaeng nililigawan mo sa tamang petsa at panahon, tiyak ang magaganap, walang duda, sa edad mong 25 pataas ay magkaka-girlfriend ka na.
Comments