2 trak nagkabanggaan, 2 driver sugatan

@Balitang Probinsiya | November 02, 2020

Quezon—Dalawang driver ang sugatan nang aksidenteng magkabanggaan ang minamanehong nilang trak kamakalawa sa Bgy. San Francisco, Tagkawayan.

Kinilala ng pulisya ang mga biktima na sina Larry dela Cruz at Rico Armada, kapwa driver ng delivery van.

Ayon sa ulat, kapwa mabilis ang takbo ng mga trak na minamaneho nina Dela Criz at Armada kaya aksidenteng nagkabanggaan ang dalawang sasakyan sa naturang lugar.

Kaagad dinala sa ospital ng mga saksi sina Dela Cruz at Armado na kapwa nagtamo ng mga sugat sa ulo at katawan sa naganap na aksidente.

Iniimbestigahan na ng pulisya kung sino sa dalawang driver ng trak ang may pananagutan sa aksidente.