2 sugarol tiklo sa pusoy-bahig

@Balitang Probinsiya | September 9, 2022

AKLAN—Dalawang sugarol ang dinakip ng pulisya nang mahuli sa aktong nagsusugal ng pusoy-bahig kamakalawa sa Bgy. Calangcang, Makato.

Ang mga suspek ay nakilalang sina Noriel Tabiolo, 35-anyos at Ricardo Tana, 36-anyos, kapwa nakatira sa nabanggit na lalawigan.

Ayon sa ulat, nang malaman ng pulisya na may mga nagsusugal sa nasabing barangay ay agad nila itong sinalakay at dito nadakip ang mga suspek.

Nabatid na nakakumpiska ang mga awtoridad ng mga baraha at cash sa pag-iingat ng mga suspek.

Inihahanda na ngayon ng pulisya ang kasong paglabag sa RA 1602 o illegal gambling laban sa dalawang sugarol.