2 notoryus na tulak, timbog

@Balitang Probinsiya | August 4, 2023

NEGROS OCCIDENTAL -- Dalawang notoryus na drug pusher ang naaresto sa isinagawang drug-bust operation ng mga awtoridad kamakalawa sa Bgy. Singcan-Airport, Bacolod City sa lalawigang ito.

Kinilala ng pulisya ang mga suspek na sina Jean Treyes, at Christian Ison, kapwa nasa hustong gulang at parehong residente sa nabanggit na lungsod.

Ayon sa ulat, nagsagawa ng drug-bust operation ang mga awtoridad sa nabanggit na barangay kaya nadakip ang dalawang suspek.

Napag-alaman na nakakumpiska ang mga awtoridad ng 55 gramo ng shabu at markadong pera sa pag-iingat ng dalawang drug pusher.

Hindi naman nanlaban ang mga suspek nang dakpin sila ng mga awtoridad sa naturang lugar at sa ngayon ay sinampahan na sila ng kasong paglabag sa Comprehensive Dangerous Drugs Act of 2002.