2 Notoryus na tulak, nasakote

@Balitang Probinsiya | June 16, 2022

MAGUINDANAO–Dalawang notoryus na drug pushers ang nadakip sa isinagawang drug-bust operation kamakalawa sa Bgy. Poblacion, Pagalungan.

Kinilala ang mga suspek na sina Dan Ayunan at Tapia Malingco, kapwa residente sa nabanggit na barangay.

Ayon sa ulat, nagsagawa ng drug-bust operation sa naturang barangay ang mga awtoridad kaya naaresto ang dalawang notoryus na drug pushers.

Napag-alamang nakakumpiska ang mga awtoridad ng 15 gramo ng shabu at markadong pera pag-iingat ng mga suspek.

Nakapiit na ang mga suspek na kapwa nahaharap sa kasong paglabag sa Comprehensive Dangerous Drugs Act of 2002.