2 motorsiklo nagbanggaan, 2 sugatan
- BULGAR
- Dec 12, 2021
- 1 min read
@Balitang Probinsiya | December 12, 2021
AKLAN—Sugatan ang dalawa riders nang aksidenteng magkabanggaan ang dalawang motorsiklo kamakalawa sa Bgy. Calangcang, Makato.
Kinilala ng pulisya ang mga biktima na sina Reymund Berosil, 29-anyos at Gilbert Nemis, 54-anyos, kapwa residente sa nabanggit na bayan.
Ayon sa ulat, kapwa mabilis ang takbo ng motorsiklo minamaneho nina Berosil at Nemis kaya aksidenteng nagkabanggan sa naturang barangay ang dalawang sasakyan.
Nabatid na nagtamo ng mga pinsala sa ulo at katawan ang mga biktima na kapwa ginagamot na sa ospital.
Patuloy pa ang imbestigasyon ng pulisya para mabatid kung sino kina Berosil at Nemis ang may pananagutan sa aksidente.
Comentários