2 motorsiklo nagbanggaan, 1 rider patay

@Balitang Probinsiya | February 04, 2022

PALAWAN–Isang rider ang namatay at sugatan din ang isa pang rider nang aksidenteng magkabanggaan ang dalawang motorsiklo kamakalawa sa national highway ng Narra.

Ang nasawi ay kinilala ng pulisya na si Samson Abayon, Sr., nasa hustong gulang at nakatira sa nasabing lalawigan, samantalang inalaam pa pagkakakilanlan ng isa pang rider.

Ayon sa ulat, kapwa mabilis ang takbo ng motorsiklong minamaneho ni Abayon at ng isa pang rider kaya aksidenteng nagkabanggaan sa naturang lugar ang dalawang sasakyan.

Nabatid na sa lakas ng pagkakabangga ay nagtamo ng malaking pinsala sa ulo at katawan ang mga biktima.

Dinala ng mga saksi ang mga biktima sa ospital, pero idineklarang dead-on-arrival sa pagamutan si Abayon.