2 magnanakaw ng kalabasa nasakote
BULGAR
Oct 4, 2022
1 min read
@Balitang Probinsiya | October 4, 2022
BATANGAS—Dalawa sa anim na magnanakaw ng kalabasa ang nadakip kamakalawa ng mga awtoridad sa Bgy. San Mateo, San Pascual.
Kinilala ng pulisya ang mga suspek na sina Mark Sape, 18-anyos at Joshua Malabanan, 22-anyos, kapwa residente sa nasabing bayan, samantalang hindi muna pinangalanan ang apat pang magnanakaw hangga't hindi sila nadarakip ng mga awtoridad.
Ayon sa ulat, nakita ng caretaker ng farm na ninanakaw ng mga suspek ang mga pananim nilang kalabasa kaya agad itong humingi ng tulong sa pulisya.
Sa pagresponde ng mga awtoridad ay nadakip ang mga suspek, samantalang nakatakas ang apat pang magnanakaw.
Nakapiit na sina Sape at Malabanan na kapwa nahaharap sa kasong theft.
Comments