2 Lola arestado sa tong-its

@Balitang Probinsiya | May 19, 2022

ALBAY – Dalawang lola ang inaresto ng mga tauhan ng pulisya nang mahuli sa aktong nagsusugal ng tong-its kamakalawa sa Bgy. Alnay, Polangui sa lalawigang ito.

Ang mga suspek ay nakilalang sina Alejandra Barbacena, 67-anyos Madeline Echevarria, 66-anyos, kapwa mga residente sa nabanggit na bayan.

Ayon sa ulat, may nagbigay impormasyon sa himpilan ng pulisya na may mga nagsusugal sa nasabing lugar kaya agad sinalakay ng mga operatiba ang gambling den at dito nadakip ang dalawang lola, samantalang nakatakas naman ang iba pang sugarol.

Nakakumpiska ang mga awtoridad ng mga baraha at cash sa pag-iingat ng mga sugarol.

Inihahanda na ngayon ng pulisya ang kasong paglabag sa RA 1602 o illegal gambling laban sa mga suspek.