2 Kelot todas sa kuryente
BULGAR
Dec 1, 2022
1 min read
@Balitang Probinsiya | December 1, 2022
NORTH COTABATO—Dalawang lalaki ang namatay nang makuryente kamakalawa sa Bgy. Polayagan, Almada.
Ang mga biktima ay nakilalang si Muhaymin Madaya, 25-anyos at Ivan Akwa, 16-anyos, kapwa nakatira sa nasabing barangay.
Ayon sa ulat, dulot ng malakas na ulan ay binaha ang tinutuluyang bahay nina Madaya at Akwa at habang nililimas ang tubig-baha ay napahawak sa live wire ang dalawang biktima kaya sila ay nakuryente.
Napag-alamang sa lakas ng boltahe ng kuryente ay nagkaroon ng 3rd degree burns sa katawan ang mga biktima.
Kaagad dinala ng kanilang mga kapitbahay ang mga biktima sa ospital, pero idineklara silang dead-on-arrival.
Comments